بايير بير توپراغام اكيله بيلمم                   ييخيلميش بينايام تيكيله بيلمم

داها بوندان آرتيق توكوله بيلمم                   آلووونو سؤيله كؤزونو سؤيله

سنه هر نفسله ياخينلاشيرام                       سورگون اوره گيمنن سني داشيرام

سنه گؤزلريمله نغمه قوشورام                   منه گؤزلرينله اؤزونو سؤيله

آخ دئنن گؤزه ليم نه ائتمه لي يم                  دئنن گلمه لي يم يا گئتمه لي يم ؟

دئگينن باشلانيم يا بيتمه لي يم؟                    قورخما سئوه جه يم دوزونو سؤيله

من كي مين آغاجدان تانيرام سني                 سنه سوز دئميره م قانيرام سني

قورخما سؤيله ميرم دانيرام سني                 قورخما اوره گينين سؤزونو سؤيله

من سنين يارينام دارا تئليمي                       يئل داغيداجاقدير قارا تئليمي

سؤيله چكه جكدير هارا تئليمي ؟                 هاردا بولاجاقديرايزيني ؟ سؤيله!

ساچينا دن كيمي دوزوله جه يم                   گؤزوندن ياش اولوب سوزوله جه يم

سن سيز اوله جه يم اوزوله جه يم               منه درد لرينين آزيني سؤيله

ديرماشير اوره گيم دووارا داما                   گلميشم بير داها دارا سلاما

سنين چون گلميشم گلميشم آما                     منيم چون يازديغين يازيني  سؤيله .                                     

اوتوروب فاش ائده رم سیررینی بیگانه لره

گلمیشم صید اولالی محضر صیاده یئتم

نه ایشیم آلتی جهتدن سپیلن دانه لره

عشق گنجینه سی یم آتما ایلانلار اوتالار

باش آلیب اوز قویارام گوشه ویرانه لره

پیرتلاشیق خاطیره تک باشلانیش آواره سی یم

منی زنجیره یئتیر رحم ائله دیوانه لره                     سحر خانیم

یاشاییش زیروه لرین توتدو قالین چن نیه گئتدین؟

سالیبان آه سایاغی ساچلاریما دن نیه گئتدین؟

اوره گیم یاندی سنی اوزگه لی دم لرده گورنده

توتالیم من دئدیم ال چک...

                           باش آلیب سن نیه گئتدین ؟

                                            سحر خانیم

تام عشق اولسون دئیه رک بو دونیامی سلماسلی شاعیره آدیلا سیزایله پایلاشیرام.

دوستاق منيم اولسون دار منيم اولسون

سني بير اولدوزلو گئجه سئوميشم

مني دوغراسينلار يار منيم اولسون

كيمسه بيلمز سني نئجه سئوميشم

من سني سئوميشم كده ره دالما

دونيانين سؤزونو اؤزونه آلما

باشيني قالديريب آشاغي سالما

سني داغلار كيمين اوجا سئوميشم

دئييرلر اؤزونه اوره گين يانمير ؟

سئوگينين ديليني هئچ كيمسه قانمير

سني سئوديگيمه كيمسه اينانمير

حئيرتده دير قاپي پاجا سئوميشم

بيلميره م درديمي كيم ايلن دئييم

بو ده لي اوره ك لن بيلمم نئيله ييم

آخي سئوديگيمي نئجه سؤيله ييم؟

آخي ...

گنج بير قيزام...

قوجا سئوميشم!...

دويوب دئمك اوره گي سئومه يير دايار مني ده                اوزو منيم اليمه هي وئرير بهانه ني ده

آچيب قفس قاپيسين اوچ دئيير منه آما......                     قانادلاريم سينيب ايندي اونوتموشام ده ني ده

مني اوزومنن آليب اوزگه سيله گئتمكده                         نه اوزگه دن ال اوزور نه وئرير منه مني ده

خزان گيريب ائويمه گوللو باغچامي ساراديب                  آليب قيزيل گولو مندن اوزوبدو لاله ني ده

دونن گونش بوروموشدو بوتون داغي دره مي          نه واركي داغ كيمي بس قوي گوزوم گوره چني ده 

اونوتدو يار بوتون اول عاشيقانه نغمه لرين                    اونوتدو يار مني ده شعري ده ترانه ني ده

اوره ك دئيير سئويره م گيزلي گيزلي يار سويلور             عاغيل دئيير دا اينانمام كسير بو حربه ني ده

بو سئوگي اي مني آغلار قويوب گولن گئجه لر               اينان كي آغلاداجاقدير صاباح سحر سني ده.

وارليغيم داغلاردا چنه بنزه يير                            گوزه ل لر تئلينده دنه بنزه يير

غربت پنجه سينده بوغولان آخشام                    حسرته نيسگيله منه بنزه يير

                                                                                      (سحر خانيم)

اولدوزلاراکندیرآتاجاقدیرساچیم آخشام                   آخشام گزه جکدیر اوگوزه ل یار کوچه میزده

آخشام اوته جکدیر ساری بولبول قفسینده             قویماز کی سیخیلسین اوره گی دارکوچه میزده

آخشام چاغی سرمست اولاجاق گول قوخوسوندان   بیر یاشلی قیزیل گول آغاجی وار کوچه میزده

آنجاق کوچه میزده نه خزان وار نه ده قیش وار         سئوداگولوآخشام گتیره ربار کوچه میزده

یالنیز منیم آخشام  چاغی دردیم دئشیلرکن          سورگون اوره گیمنن چالارام تار کوچه میزده

ایستر کی بولود آغلایاکونلوم سنی ایستر             سن سیزجه اوتن چاغلاری آغلار کوچه میزده 

آخشام اولار آرتیق منه دونیا دارا بنزه ر                  هر گون منه آخشام قورولار دار کوچه میزده 

قوی حاق قوشومئشه لیکده آغلاسین         سن آغلاما کیپریک لرین ایسلانیر

                                                                                     حبیب ساهر